Como o proverbio latino suxire "in viño veritas" - no viño está a verdade -, poderedes descubrir un chisco da nosa filosofía a través da carta de viños de Brasa de Beche, todos eles procedentes de España, e moitos concretamente das terras galegas.
Prestouse especial atención á selección de adegas, atendendo á súa procedencia e a distancia entre restaurante e provedor. A nosa carta de viños preséntase fiel aos nosos valores e as sensacións que se queren transmitir, cun enfoque coherente ao menú a través da predilección e a exaltación dos produtos locais. Como clientes, viviredes unha experiencia 360º de calidade, sofisticada e natural.
O compromiso cos nosos provedores e a natureza dos nosos produtos pódese contrastar en carta coas etiquetas de: BIO, ECO e VR.
- BIO · Vit. Biodinámica: Sen trat. sistémicos, fermentos autóctonos.
- ECO · Vit. Ecolóxica: Sen trat. sistémicos, posibles fermentos exógenas.
- VR · Vit. Respectuosa: Trat. sistémicos só en caso de emerxencia.
Preséntase unha oferta variada - espumoso, branco e tinto - para que cada viño poida acompañar os diferentes pratos.
Para os amantes do viño con carácter, presentamos os viños de Betanzos, como o Bordelar Verde IXP 2021, Bordel. A súa adega sitúase a tan só 6km do restaurante, polo que garantimos a procedencia máis sincera do produto.
Antigamente, Betanzos destacaba como unha das capitais do Reino de Galicia e era coñecida como a "Cidade dos Cabaleiros" polas numerosas familias nobres que a habitaban na época, ademais de conformarse ao longo da historia como cidade vinícola. Co paso dos séculos, acrecentou o seu prestixio como cidade de viñedos a través dos selos de calidade como Denominacións de Orixe Protexidas e as Indicacións Xeográficas Protexidas (IGP).
Os viños da IGP Betanzos contan con características complexas e profundas, con trazos finos e frescos ao padal. Caracterízanse por unha acidez equilibrada á presenza aromática debido ás características da contorna e o seu natural proceso de maduración.
Sen dúbida, para gozar dos viños brancos da comarca de Betanzos dentro do seu IGP, recoméndanse as variedades de uva: godello, albarín (branco lexítimo), palomino e chenín branco.
Por outra banda, viños tintos suxírense os elaborados a partir das uvas aceptadas dentro da IGP de Betanzos como: Cotaventos IXP, a súa adega atópase a 22km do restaurante.
Os viños tintos de Betanzos recoñécense pola súa cor vermella cereixa e os seus aromas que lembran a froitos vermellos do bosque. Contan co seu sabor suave e lixeiro pero que non persiste tanto como nos brancos.
No noroeste de Galicia atopámonos coa Denominación de Orixe Rías Baixas, coñecida como unha das produtoras de viño máis importantes do mundo debido á calidade da súa uva de autos - albariño, loureira branca ou marqués, treixadura, caíño branco, torrontés e godello - A Denominación de Orixe Rías Baixas abarca a provincia de Pontevedra e unha pequena parte da da Coruña e divídese en cinco zonas: Val do Salnés, O Rosal, Ribeira do Ulla, Condado do Tea e Soutomaior.